Baixo o lema “por unha banca pública” o colectivo concentrarase en múltiples localidades galegas o xoves polo serán fronte ás sedes de NGB, símbolo da bancarización das caixas que denuncian.
O próximo xoves 9 de febreiro o colectivo fai un chamamento cidadán cunha concentración en localidades como Vigo, Pontevedra, Santiago, Ferrol, Lugo, Coruña ou Ourense entre as 17.00 e as 19.00 do serán. Os diversos grupos protestarán fronte ás sedes de NGB, que simbolizan a “mala xestión das caixas, o proceso de bancarización e nacionalización das caixas, o fin da obra social, as indemnizacións millonarias dos directivos que mal xestionaron as entidades financeiras…”.
A Plataforma está a recoller sinaturas para pedir á Fiscalía que actúe de oficio contra as caixas por administración deseal, polo que a concentración deste xoves non é máis que un primeiro acto de protesta dentro do seu proxecto que conta entre os seus obxetivos: esta recollida de sinaturas, facer unha auditoría popular da xestión das Caixas que permita sanear as contas, esixir un sistema financeiro público, nacionalización de Novagalicia Banco e a recuperación das caixas de aforros con obxectivos éticos e sociais, como a divulgación das entidades financieras alternativas cun sentido social, como as cooperativas de crédito ou a banca ética.
A Plataforma Polo Aforro Público está integrado polos seguintes movementos cidadáns: Foro de Asembleas Galegas do 15M, ATTAC Xustiza Económica Global, Mesa pola converxencia, e Democracia Real Xa.
VIGO: 17.00 h No cruce dos 4 bancos, enfronte da porta principal de NGB R/ Colón
PONTEVEDRA: 19.00 h Na praza de San Xosé fronte ao antigo centro social de Caixanova.
SANTIAGO: 17.00 h Na Praza de Galicia fronte a sede de Caixa Galicia.
LUGO: 18.30 h Praza Maior perante o edificio da “Fundación Caixagalicia”.
OURENSE: Fronte a sede central de NovaGaliciaBanco. Rúa Juan XXIII 31 de17.00 a19.00 h
FERROL: 17:30 h na rúa Galiano, onda a oficina central da Novacaixagaliciabanco
CORUÑA: 17.00 en San Andres con Rua Nova. Antigua Caixa Galicia
Plataforma pola Banca Pública 